TITUS 1
1 Surat iteu' jin akeu' Paulus kelunan sohoo' Allah ngan lawah Yésus Kristus. Pu'un Allah ngevéléé' akeu' dokoo' ké' omok ngereken pengelan kelunan éh anah Allah, ngan mihin réh jam tong ha' tebaraa' éh teneng dalem sebayang mé'. 2 Ha' tebaraa' iteu' éh mihin kelunan alaa' urip éh pelinguh. La'ah Allah éh bé' omok kenyo, Iah jajii' mena' urip pelinguh ngan lu' jin bu'un-bu'un sahau tovoo' bé' jak tana' ngan langit iteu' pu'un,
3 ngan tovoo' jaka' éh kevéléé' Néh, Iah pepoléng kenin Néh kenat lem ha' tebaraa' Néh. La'ah tebaraa' Néh iteu' nena' Néh ngan ké', ngan akeu' perengah éh kepéh kivu sohoo' Allah éh Pepurip uleu'.
4 t La'ah akeu' maneu' surat iteu' ngan Titus, éh seleket anak ké' mu'un dalem pengelan lu' tong Kristus. Jian Allah Tamen ngan Yésus Kristus éh purip lu' mena' pengejian ngan pengepawah ngan ko'.Tong kereja' Titus tong tana' Kreta
5 La'ah pu'un ku' pokoo' ke' tong tana' Kreta rai, dokoo' ko' omok pesukup kekat kereja' tong sidang sinah, dokoo' ko' omok ngevéléé' irah éh omok pelayan tong siget sidang tong kekat leboo' sinah. Mai ke' ngelepan tong kekat sohoo' ké' ngan ko' rai. 6 La'ah irah éh pelayan jian éh kelunan éh teneng lem kekat barék néh, ngan éh pu'un jah awah redo, ngan anak néh péh ngelan tong Kristus, ngan éh bé' pu'un barék éh sa'at, ngan éh jam kivu sohoo'. 7 Uban kelunan éh pelayan, pu'un éh maneu' kereja' Allah ngan bé' tekep éh pu'un sa'at. Mai éh kelunan éh bau kenin ngan éh lumang merek. Mai éh kelunan éh mavuk ngan éh lumang pané sa'at, mai éh kelunan éh kelih, éh mekum tong rigit. 8 Tekep éh kelunan éh keloo' alaa' irah sakai tong lamin néh ngan petubo éh ngan jian kenin. Jian éh kelunan éh keloo' tong kekat éh jian, éh jam mavaa' kenin néh, éh teneng dalem kekat penganeu' néh, ngan éh ni'ai kenin ngan éh jam seruh.
9 t La'ah jian éh kelunan éh jam mihau ha' tebaraa' éh teneng, dokoo' néh omok nebaraa' ngan ngereken kenin kelunan éh jah neu' ha' tebaraa' éh teneng inah, ngan éh jam makang meta' kelunan éh sala', éh ngelawan ha' tebaraa' inah kepéh.
10 Uban pinaa' kelunan makin péh tong irah Yahudi, bé' réh keloo' ngerera' tong pengeja'au tong sidang. Pu'un réh ngelavo' kelunan neu' kekat ha' tosok réh éh palui awah. 11 Mai ke' kejeraa' réh pané, uban pu'un réh petusah kenin kuraa'-kuraa' kelunan neu' réh bara' tong éh bé' tekep. Pu'un réh maneu' kenat uban réh juk alaa' rigit awah. 12 La'ah pu'un jah kelunan éh pohoo' irah Kreta inah, éh bara' ha' Tuhan ngan kelunan sahau éh bara' ka', La'ah kelunan pohoo' Kreta ngelayau réh kenyo, pu'un réh barei' ka'an éh luvaa', pu'un réh kuman nyahan ngan leko kereja', ha' néh. 13 La'ah teneng mu'un ha' néh kenat. Uban néh kenat jian ke' pané mu'un ngan petena' réh, dokoo' réh omok ngelan mu'un, 14 ngan bé' pu'un ngamit kekat ha' suket ngan ha' tukit kelunan Yahudi éh bé' keloo' ngelan tong tebaraa' éh teneng. 15 Tulat kelunan éh ni'ai, kekat néh pu'un ni'ai. Bang tulat kelunan éh penyeruh réh pu'un sa'at neu' penyala' ngan éh bé' ngelan tong ineu' éh teneng, bé' pu'un jah péh éh ni'ai, uban penyeruh ngan ketem lo'ong kenin réh lepah sa'at. 16 La'ah pu'un réh bara' irah jam Allah, bang kekat penganeu' réh pepoléng réh bé' jam Éh. Irah teneng tong rek Tuhan, bé' réh kivu sohoo' Allah, bé' réh omok maneu' ineu'-ineu' éh jian.
TITUS 1
1 From Paul, a servant of God and an apostle of Jesus Christ.
I encourage God's own people to have more faith and to understand the truth about religion. 2 Then they will have the hope of eternal life God promised long ago. And God never tells a lie!
3 So, at the proper time, God our Savior gave this message and told me to announce what he had said.
4 t Titus, because of our faith, you are like a son to me. I pray that God our Father and Christ Jesus our Savior will be kind to you and will bless you with peace!What Titus Was To Do //in Crete
5 I left you in Crete to do what had been left undone and to appoint leaderst for the churches in each town. As I told you,
6 t they must have a good reputation and be faithful in marriage.t Their children must be followers of the Lord and not have a reputation for being wild and disobedient.
7 Church officialst are in charge of God's work, and so they must also have a good reputation. They must not be bossy, quick-tempered, heavy drinkers, bullies, or dishonest in business. 8 Instead, they must be friendly to strangers and enjoy doing good things. They must also be sensible, fair, pure, and self-controlled.
9 They must stick to the true message they were taught, so their good teaching can help others and correct everyone who opposes it.
10 There are many who don't respect authority, and they fool others by talking nonsense. This is especially true of some Jewish followers. 11 But you must make them be quiet. They are after money, and they upset whole families by teaching what they should not.
12 It is like one of their own prophets once said,
“The people of Crete
always tell lies.
They are greedy and lazy
like wild animals.”
13 This surely is a true saying. And you should be hard on such people, so you can help them grow stronger in their faith.
14 Don't pay any attention to any of those senseless Jewish stories and human commands. These are made up by people who won't obey the truth.
15 Everything is pure for someone whose heart is pure. But nothing is pure for an unbeliever with a dirty mind. That person's mind and conscience are destroyed. 16 Such people claim to know God, but their actions prove they really don't. They are disgusting. They won't obey God, and they are too worthless to do anything good.